ഇന്ത്യ ഭാരതമായി തുടരണമെങ്കില്‍ പൂര്‍ണമായും ഒരു ഹിന്ദു രാജ്യമാകണം: തേജസ്വി സൂര്യ

ബെംഗളൂരു: ഇന്ത്യ ഭാരതമായി തുടരണമെങ്കില്‍ പൂര്‍ണമായും ഒരു ഹിന്ദു രാജ്യമാകണമെന്ന് എം.പിയും ബി.ജെ.പി യുവമോര്‍ച്ച ദേശീയ അധ്യക്ഷനുമായ തേജസ്വി സൂര്യ.

ഭൂരിപക്ഷ സമുദായം ശക്തമാകുമ്പോഴാണ് ഭരണഘടന ശക്തമാകുന്നതെന്നും തേജസ്വി സൂര്യ അവകാശപ്പെട്ടു.

ഒരു ഹിന്ദു മതം മാറുന്നത് ഹിന്ദുക്കളുടെ എണ്ണം കുറയ്ക്കുക മാത്രമല്ല, ഹിന്ദുക്കളുടെ ശത്രുക്കളുടെ എണ്ണം കൂട്ടുകയും ചെയ്യുമെന്നും സൂര്യ അവകാശപ്പെട്ടു.

ഇന്ത്യയുടെ ദാരിദ്ര്യത്തിന്റെ കാരണം സോഷ്യലിസവും മതേതരത്വവുമാണെന്നും തേജസ്വി സൂര്യ പറഞ്ഞിരുന്നു.

മോദി സര്‍ക്കാരിന്റെ ഭരണത്തെക്കുറിച്ചുള്ള സംവാദം ഉദ്ഘാടനം ചെയ്തുകൊണ്ടായിരുന്നു തേജസ്വി സൂര്യയുടെ പരാമര്‍ശം.

ഇന്ത്യയിലെ നിരവധി പ്രശ്നങ്ങള്‍ക്ക് അടിസ്ഥാനം സോഷ്യലിസത്തെയും മതേതരത്വത്തെയും കുറിച്ചുള്ള പ്രത്യയശാസ്ത്രങ്ങളാണെന്നാണ് തേജസ്വി സൂര്യ പറഞ്ഞത്.

മതേതരത്വം മുസ്ലിങ്ങളുടെയും ക്രിസ്ത്യാനികളുടെയും ഭാഗത്തുനിന്ന് അതിക്രമങ്ങള്‍ ഉണ്ടാക്കിയെന്നും ഹിന്ദുക്കളെ വന്‍തോതില്‍ ബാധച്ചെന്നും തേജസ്വി ആരോപിച്ചു.