ഐപിഎൽ 17-ാം പതിപ്പ്; മാർച്ച് 22 മുതൽ മെയ് 26 വരെയെന്ന് റിപ്പോർട്ട്

 ഐപിഎൽ 17-ാം പതിപ്പ്; മാർച്ച് 22 മുതൽ മെയ് 26 വരെയെന്ന് റിപ്പോർട്ട്

ഡൽഹി: ഇന്ത്യൻ പ്രീമിയർ ലീ​ഗിന്റെ 17-ാം പതിപ്പ് മാർച്ച് 22 മുതൽ ആരംഭിക്കുമെന്ന് സൂചന. മെയ് 26നാണ് സീസൺ അവസാനിക്കുക. വനിതാ പ്രീമിയർ ലീ​ഗ് ഫെബ്രുവരി 22 മുതൽ മാർച്ച് 17 വരെ നടക്കുമെന്നും സൂചനയുണ്ട്. ക്രിക്ബസാണ് തിയതികൾ റിപ്പോർട്ട് ചെയ്തിരിക്കുന്നത്. എങ്കിലും ബിസിസിഐയുടെ ഭാ​ഗത്ത് നിന്ന് തിയതിയുടെ കാര്യത്തിൽ സ്ഥിരീകരണം ഉണ്ടായിട്ടില്ല.

ഈ വർഷം രാജ്യത്ത് പൊതുതിരഞ്ഞെടുപ്പ് നടക്കുന്നതിനാലാണ് ഐപിഎൽ തിയ്യതികൾ വൈകുന്നത്. ഏതെങ്കിലും നഗരങ്ങൾക്ക് ഐപിഎൽ മത്സരം നടത്താൻ കഴിയില്ലെങ്കിൽ പകരം വേദി നിശ്ചയിക്കേണ്ടതുണ്ട്. ഇന്ത്യൻ പ്രീമിയർ ലീ​ഗ് ഇന്ത്യയിൽ തന്നെ നടത്താൻ കഴിയുമെന്ന പ്രതീക്ഷയിലാണ് ബിസിസിഐ.

ജൂൺ ഒന്നിന് ട്വന്റി 20 ലോകകപ്പ് ആരംഭിക്കുന്നതിന് മുമ്പെ ഐപിഎൽ മത്സരങ്ങൾ അവസാനിക്കേണ്ടതുണ്ട്. നിലവിൽ എല്ലാ രാജ്യത്തെയും താരങ്ങൾ ഐപിഎൽ കളിക്കുമെന്ന് ക്രിക്കറ്റ് ബോർഡുകൾ ഉറപ്പ് നൽകിയതായി ബിസിസിഐ വൃത്തങ്ങൾ സൂചന നൽകുന്നു.