ഏകദിന ലോകകപ്പ്: ഇംഗ്ലണ്ട് സൂപ്പര് താരം ഗുരുതര രോഗത്തിന്റെ പിടിയില്?, പരിശീലനത്തിനിടെ അവശനായി, വൈറലായി ചിത്രങ്ങള്
ഏകദിന ലോകകപ്പ്: ഇംഗ്ലണ്ട് സൂപ്പര് താരം ഗുരുതര രോഗത്തിന്റെ പിടിയില്?, പരിശീലനത്തിനിടെ അവശനായി, വൈറലായി ചിത്രങ്ങള്
ഐസിസി ക്രിക്കറ്റ് ലോകകപ്പ് ഇംഗ്ലണ്ടിന്റെ പ്രചാരണം മോശം ട്രാക്കിലാണ്. നിലവിലെ ചാമ്പ്യന്മാര് അവരുടെ ആദ്യ നാല് മത്സരങ്ങളില് മൂന്നിലും തോറ്റ് സെമി ഫൈനല് സ്വപ്നത്തില്നിന്നും ഏറെ അകലെയാണ്. ബംഗളൂരുവിലെ ചിന്നസ്വാമി സ്റ്റേഡിയത്തില് ശ്രീലങ്കയുമായി ഇന്ന് കൊമ്പു കോര്ക്കുമ്പോള് ഒരു വമ്പന് തിരിച്ചുവരവാണ് ഇംഗ്ലണ്ട് ലക്ഷ്യം വയ്ക്കുന്നത്.
മത്സരത്തിന് മുന്നോടിയായി, സ്റ്റാര് ഇംഗ്ലണ്ട് ഓള്റൗണ്ടര് ബെന് സ്റ്റോക്സ് നെറ്റ്സില് കഠിന പരിശീലനം നടത്തി. എന്നിരുന്നാലും, എല്ലാവരുടെയും ശ്രദ്ധ ആകര്ഷിച്ചത് പരിശീലന വേളയില് താരം ഇന്ഹേലര് ആവര്ത്തിച്ച് ഉപയോഗിച്ചതാണ്. ഇത് താരത്തിന് ആസ്ത്മ ഉണ്ടെന്ന് സൂചിപ്പിക്കുന്നു. എന്നിരുന്നാലും, സ്റ്റോക്സോ ഇംഗ്ലണ്ട് ആന്ഡ് വെയില്സ് ക്രിക്കറ്റ് ബോര്ഡോ (ഇസിബി) ഇക്കാര്യത്തില് അത്തരമൊരു സ്ഥിരീകരണം നടത്തിയിട്ടില്ല.
റിപ്പോര്ട്ടുകള് പ്രകാരം, സ്റ്റോക്സ് ബംഗളൂരുവില് ഒരു നീണ്ട പരിശീലന സെഷന് നടത്തി.ടൂര്ണമെന്റിലെ ആദ്യ മൂന്ന് മത്സരങ്ങളില് നിന്ന് വിട്ടുനിന്ന താരം ദക്ഷിണാഫ്രിക്കയ്ക്കെതിരായ മുന് മത്സരത്തില് ടീമില് ഒരു തിരിച്ചുവരവ് നടത്തിയെങ്കിലും 8 പന്തില് 5 റണ്സ് നേടാന് മാത്രമേ കഴിഞ്ഞുള്ളൂ. മാത്രമല്ല മത്സരത്തില് ബോള് ചെയ്തതുമില്ല.
ടൂര്ണമെന്റിന് മുന്നോടിയായി ഏകദിനത്തില് നിന്ന് വിരമിച്ച 32-കാരന് ഇംഗ്ലണ്ടിനെ അവരുടെ ടൈറ്റില് ഡിഫന്സില് സഹായിക്കാനായി തിരിച്ചെത്തുകയായിരുന്നു. ടൂര്ണമെന്റിന് മുന്നോടിയായി സ്റ്റാര് ഓള്റൗണ്ടര് ടീമില് ബാറ്ററായി മാത്രമേ കളിക്കൂ എന്ന് വ്യക്തമാക്കിയിരുന്നു. എന്നാല് ഇംഗ്ലണ്ട് പ്രതീക്ഷിച്ച ഫലം സ്റ്റോക്സിന്റെ മടങ്ങിവരവില്നിന്ന് ടീമിന് ലഭിച്ചിട്ടില്ല.
/>
No comments