സൗദി ജയിലില് നിന്ന് റഹീമിന്റെ മോചനം: 34 കോടി ഇന്ത്യന് എംബസിയ്ക്ക് കൈമാറി
സൗദി ജയിലില് നിന്ന് റഹീമിന്റെ മോചനം: 34 കോടി ഇന്ത്യന് എംബസിയ്ക്ക് കൈമാറി
സൗദി ജയിലില് കഴിയുന്ന അബ്ദുറഹീമിന്റെ മോചനത്തിനുള്ള 34 കോടി രൂപ (ഒന്നര കോടി റിയാല്) സൗദിയിലെ ഇന്ത്യന് എംബസിക്ക് കൈമാറി. ഇന്നഉച്ചയോടെയാണ് നാട്ടിലെ അബ്ദുറഹീം നിയമ സഹായ സമിതി ട്രസ്റ്റ് ഭാരവാഹികള് കേന്ദ്ര വിദേശ കാര്യമന്ത്രാലയത്തിന് ആണ് പണം കൈമാറിയത്. വിദേശകാര്യ മന്ത്രാലയത്തിന്റെ അക്കൗണ്ടിലേക്കാണ് തുക നിക്ഷേപിച്ചത്. ഫണ്ട് കൈമാറണമെന്ന ഇന്ത്യന് എംബസിയുടെ നിര്ദേശം ബുധനാഴ്ചയാണ് റഹീമിന്റെ പവര് ഓഫ് അറ്റോണിയായ സിദ്ധിഖ് തുവൂരിന് ലഭിച്ചത്. നടപടിക്രമങ്ങള് എത്രയും പെട്ടെന്ന് പൂര്ത്തിയാക്കണമെന്ന സത്യവാങ്മൂലവും റഹീമിന്റെ കുടുംബം എംബസിയ്ക്ക് സമര്പ്പിച്ചിരുന്നു.
ഉടന് തന്നെ കോടതിയുടെ പേരിലുള്ള സര്ട്ടിഫൈഡ് ചെക്ക് ഇന്ത്യന് എംബസി റിയാദിലെ ഗവര്ണറേറ്റിന് കൈമാറും. ചെക്ക് ലഭിച്ച ഉടന് തന്നെ കൊല്ലപ്പെട്ട സൗദി ബാലന്റെ കുടുംബം സമ്മത പത്രത്തില് ഒപ്പുവയ്ക്കും. തുടര്ന്നായിരിക്കും റഹീമിന്റെ വധശിക്ഷ റദ്ദ് ചെയ്യുന്നതും മോചനത്തിനുള്ള ഉത്തരവിടുന്നതും.
/>
No comments