ഇംഗ്ലണ്ടിനെ തകര്‍ത്തു; കലാശപോരാട്ടത്തിലേക്ക് യോഗ്യത നേടി രോഹിതും സംഘവും

 ഇംഗ്ലണ്ടിനെ തകര്‍ത്തു; കലാശപോരാട്ടത്തിലേക്ക് യോഗ്യത നേടി രോഹിതും സംഘവും

ഇംഗ്ലണ്ടിനെതിരായ സെമിഫൈനൽ മത്സരത്തിൽ കൂറ്റൻ വിജയം സ്വന്തമാക്കി ഇന്ത്യ. മത്സരത്തിൽ 68 റൺസിന്റെ വമ്പൻ വിജയമാണ് ഇന്ത്യ സ്വന്തമാക്കിയത്. ഇന്ത്യക്കായി ബാറ്റിംഗിൽ രോഹിത് ശർമയും സൂര്യകുമാർ യാദവുമായിരുന്നു മികച്ച പ്രകടനം പുറത്തെടുത്തത്.

ബോളിങ്ങിൽ അക്ഷർ പട്ടേലും കുൽദീപ് യാദവും മികവ് പുലർത്തിയപ്പോൾ ഇന്ത്യ കണക്കു തീർക്കുകയായിരുന്നു. 2022 ലോകകപ്പിന്റെ സെമിഫൈനലിൽ 10 വിക്കറ്റുകൾക്ക് ഇന്ത്യയെ ഇംഗ്ലണ്ട് പരാജയപ്പെടുത്തിയിരുന്നു. ഇതിനുള്ള പ്രതികാരമാണ് ഇന്ത്യ 2024 ലോകകപ്പിന്റെ സെമിയിൽ തീർത്തിരിക്കുന്നത്.

മത്സരത്തിൽ ടോസ് നേടിയ ഇംഗ്ലണ്ട് ബോളിംഗ് തിരഞ്ഞെടുക്കുകയായിരുന്നു. മഴയുടെ സാന്നിധ്യം ഉണ്ടായിരുന്ന മത്സരത്തിൽ മികച്ച തുടക്കമായിരുന്നില്ല ഇന്ത്യയ്ക്ക് ലഭിച്ചത്. പതിവുപോലെ വിരാട് കോഹ്ലിയുടെ വിക്കറ്റ് ഇന്ത്യക്ക് തുടക്കത്തിൽ തന്നെ നഷ്ടമായി. ശേഷം റിഷഭ് പന്തും മടങ്ങിയതോടെ മത്സരത്തിൽ ഇന്ത്യ ഒന്ന് പതുങ്ങി.