കേരളത്തിലെ വൈറസിന് ജനിതക വ്യതിയാനം സംഭവിച്ചിട്ടുണ്ട്, വ്യാപന ശേഷി കൂടുതല്; സമരങ്ങള്ക്കെതിരെ ആരോഗ്യമന്ത്രി
തിരുവനന്തപുരം: മന്ത്രി കെ.ടി ജലീലിന്റെ രാജി ആവശ്യപ്പെട്ട് സംസ്ഥാനത്ത് വിവിധ രാഷ്ട്രീയ കക്ഷികളുടെ നേതൃത്വത്തില് നടക്കുന്ന സമരങ്ങള്ക്കെതിരെ രൂക്ഷ വിമര്ശനവുമായി ആരോഗ്യമന്ത്രി കെ.കെ.ശൈലജ.
7 മാസം കേരളം നടത്തിയ കഠിന പ്രവര്ത്തനത്തിന്റെ ഫലം അപകടത്തില് ആക്കരുതെന്നും ആളുകളെ കൂട്ടത്തോടെ മരണത്തിന് വിട്ടു കൊടുക്കരുതെന്നും ആരോഗ്യമന്ത്രി പറഞ്ഞു.
കേരളത്തിലെ വൈറസിന് ജനിതക വ്യതിയാനം സംഭവിച്ചിട്ടുണ്ട്. കേരളത്തില് വൈറസിന് വ്യാപന ശേഷി കൂടുതലാണ് എന്നാണ് ഗവേഷണ ഫലത്തില് കണ്ടെത്തിയിരിക്കുന്നത്.
‘വൈറസിന്റെ ശ്രേണി ഘടനയ്ക്ക് വ്യതിയാനം സംഭവിച്ചിട്ടുണ്ട്. ഇതിനാല് നന്നായി ശ്രദ്ധിക്കണം. എന്നാല് സംസ്ഥാനത്തെ പ്രതിഷേധ സമരങ്ങള് വലിയ പ്രതിസന്ധിയാണ് ഉണ്ടാക്കുന്നത്. സമരക്കാരെ പറഞ്ഞ് മനസിലാക്കണം
ആയിരക്കണക്കിന് ആളുകള് സമരത്തില് പങ്കെടുക്കുന്നത് രോഗവ്യാപനം ഉണ്ടാകുന്ന സ്ഥിതിയാണ് സൃഷ്ടിക്കുന്നത്. ആരോഗ്യ വകുപ്പിന്റെ നിര്ദ്ദേശം ലംഘിക്കുകയാണ് പ്രതിഷേധക്കാര് ചെയ്യുന്നത്. ഗുരുതരമായ ശിക്ഷ കൊടുക്കേണ്ട കുറ്റകൃത്യമാണ് ഇതെന്നും ആരോഗ്യമന്ത്രി പറഞ്ഞു.
നയതന്ത്ര ചാനല് വഴി എത്തിയ ഖുറാന് വിതരണം ചെയ്തതുമായി ബന്ധപ്പെട്ട് എന്.ഐ.എയും എന്ഫോഴ്സമെന്റ് ഡയരക്ട്രേറ്റും ചോദ്യം ചെയ്ത മന്ത്രി കെ.ടി ജലീലിന്റെ രാജി ആവശ്യപ്പെട്ട് ഇത് ആറാം ദിവസമാണ് പ്രതിപക്ഷ സമരം നടക്കുന്നത്
/>
No comments