മഴ മുന്നറിയിപ്പില് മാറ്റം, ഇന്ന് പെരുമഴയ്ക്ക് സാധ്യത, വിവിധ ജില്ലകളില് യെല്ലോ അലര്ട്ട്
മഴ മുന്നറിയിപ്പില് മാറ്റം, ഇന്ന് പെരുമഴയ്ക്ക് സാധ്യത, വിവിധ ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയെന്ന് മുന്നറിയിപ്പ്. നേരത്തെ അറിയിച്ച മഴമുന്നറിയിപ്പില് മാറ്റം വരുത്തി, ഇന്ന് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു.
എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചത്. മധ്യ കിഴക്കന് അറബി കടലിനു മുകളില് ന്യുനമര്ദം നിലനില്ക്കുന്നതായി കേന്ദ്ര കാലാവസ്ഥ വകുപ്പ് അറിയിച്ചു.
ബംഗാള് ഉള്ക്കടലില് നിന്നും തെക്കു കിഴക്കന് ഇന്ത്യയിലേക്ക് വീശുന്ന കിഴക്കന്/ വടക്കു കിഴക്കന് കാറ്റിന്റെയും കോമാറിന് മേഖലക്ക് മുകളില് നിലനില്ക്കുന്ന ചക്രവാത ചുഴിയുടെയും സ്വാധീനഫലമായാണ് വെള്ളിയാഴ്ച സംസ്ഥാനത്തെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയെന്ന കാലാവസ്ഥ വകുപ്പിന്റെ മുന്നറിയിപ്പ്.
കേരള തീരത്ത് ഇന്ന് രാത്രി 11.30 വരെ 1.0 മുതല് 1.3 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
/>
No comments