അഞ്ച് മാസം, പുറത്തിറങ്ങിയ സിനിമകളിൽ ഭൂരിഭാഗവും ഹിറ്റ്; 1000 കോടിയെന്ന ചരിത്രനേട്ടത്തിലേക്ക് മലയാളസിനിമ!

ചരിത്രത്തിൽ ആദ്യമായി 1000 കോടി കളക്ഷൻ എന്ന നേട്ടത്തിലേക്ക് മലയാള സിനിമ. ഈ വർഷം ജനുവരി മുതൽ ഏപ്രിൽ വരെ 985 കോടി രൂപയോളമാണ് ഗ്രോസ് കളക്ഷൻ നേടിയത്. ഈ മാസം ടർബോ, ഗുരുവായൂരമ്പലനടയിൽ എന്നീ ചിത്രങ്ങൾ കൂടി ഇറങ്ങുന്നതോടെ 1000 കോടി പിന്നിടുമെന്നാണ് വിലയിരുത്തൽ.

കഴിഞ്ഞ വർഷം പുറത്തിറങ്ങിയ 2018, രോമാഞ്ചം, കണ്ണൂർസ്ക്വാഡ്, ആർ.ഡി.എക്സ്, നേര് തുടങ്ങിയ സിനിമകളായിരുന്നു സൂപ്പർ ഹിറ്റായത്. 2023ൽ 500 കോടിയോളമായിരുന്നു മലയാളസിനിമയുടെ ഗ്രോസ് കളക്‌ഷൻ. എന്നാൽ ഈ വർഷം വെറും ആറുമാസം കൊണ്ട് എട്ട് സിനിമകളിലൂടെയാണ് 1000 കോടി എന്ന ചരിത്ര നേട്ടത്തിലേക്ക് എത്തുന്നത്.