പാകിസ്ഥാൻ പുറത്ത്; ഇന്ത്യയ്ക്കൊപ്പം അമേരിക്ക സൂപ്പർ 8ൽ ചരിത്ര നിമിഷം

അയർലൻഡും അമേരിക്കയും തമ്മിലുള്ള മത്സരത്തിൽ വില്ലനായി മഴ. നിർണായ മത്സരം പൂർണമായും മഴമൂലം ഉപേക്ഷിക്കുകയായിരുന്നു. ഇതോടുകൂടി വമ്പൻ അട്ടിമറിയാണ് ലോകകപ്പിന്റെ എ ഗ്രൂപ്പിൽ നടന്നിരിക്കുന്നത്.

ഇന്ത്യ ഉൾപ്പെട്ട എ ഗ്രൂപ്പിൽ നിന്ന് നിലവിൽ അമേരിക്കയും ഇന്ത്യയുമാണ് സൂപ്പർ എട്ടിലേക്ക് യോഗ്യത നേടിയിരിക്കുന്നത്. മാത്രമല്ല ടൂർണമെന്റിന്റെ ഫേവറേറ്റുകളിൽ ഒരു ടീമായ പാക്കിസ്ഥാൻ ഇതോടുകൂടി സൂപ്പർ 8 കാണാതെ പുറത്തായിട്ടുണ്ട്. മഴമൂലം അയർലണ്ടിനും അമേരിക്കയ്ക്കും ഓരോ പോയിന്റുകൾ വീതം ലഭിച്ചതോടെയാണ് അമേരിക്ക ചരിത്ര മുഹൂർത്തത്തിലേക്ക് നീങ്ങിയത്.

ഈ ടൂർണമെന്റ്ലുടനീളം വമ്പൻ പ്രകടനങ്ങൾ പുറത്തെടുത്താണ് അമേരിക്ക സൂപ്പർ എട്ടിലേക്ക് യോഗ്യത നേടിയിരിക്കുന്നത്. തങ്ങളുടെ ആദ്യ മത്സരത്തിൽ കാനഡയെ തകർത്തായിരുന്നു അമേരിക്കയുടെ തട്ടുപൊളിപ്പൻ പ്രകടനം. ശേഷം അടുത്ത മത്സരത്തിൽ പാക്കിസ്ഥാനെ ഞെട്ടിക്കാൻ അമേരിക്കയ്ക്ക് സാധിച്ചു. പോരാട്ടവീര്യത്തിന്റെ അങ്ങേയറ്റം കണ്ട മത്സരം സൂപ്പർ ഓവറിൽ എത്തുകയായിരുന്നു.