ജിയോ സിമ്മുകള് പൊട്ടിച്ചെറിഞ്ഞും കത്തിച്ചും കര്ഷകരുടെ പ്രതിഷേധം; അംബാനിയുടെ പെട്രോള് പമ്പുകള് ബഹിഷ്ക്കരിക്കാനും ആഹ്വാനം
ദല്ഹി: കേന്ദ്രസര്ക്കാരിന്റെ കാര്ഷിക നിയമത്തിനെതിരെ റിലയന്സ് ജിയോ സിം പൊട്ടിച്ചെറിഞ്ഞും കത്തിച്ചും കര്ഷകരുടെ പ്രതിഷേധം. പഞ്ചാബിലെ കര്ഷകരാണ് സിം വലിച്ചെറിഞ്ഞ് പ്രതിഷേധിച്ച്. നേരത്തെ സിം കത്തിക്കുകയും ചെയ്തിരുന്നു.
കോര്പ്പറേറ്റുകള്ക്കെതിരെ പ്രതിഷേധിക്കുന്നതിന്റെ ഭാഗമായാണ് റിലയന്സിന്റെ ജിയോ സിം കാര്ഡുകള് പൊട്ടിച്ചുകളഞ്ഞ് പ്രതിഷേധേിച്ചത്.
സോഷ്യല് മീഡിയയില് ജിയോ സിമ്മിനെതിരായ ക്യാംപയിനില്, ചില പഞ്ചാബ് ഗായകരും ജിയോ സിമ്മുകള് നശിപ്പിച്ചിരുന്നു. റിലയന്സ് പമ്പുകളില് നിന്ന് പെട്രോള്/ ഡീസലും അടിക്കരുതെന്നും പ്രതിഷേധക്കാര് ആവശ്യപ്പെടുന്നുണ്ട്.
കാര്ഷിക നിയമങ്ങളിലൂടെ നരേന്ദ്രമോദി സര്ക്കാര് അംബാനി, അദാനി തുടങ്ങിയ കോര്പ്പറേറ്റുകളെ ശക്തിപ്പെടുത്തുകയാണെന്നും പ്രതിഷേധക്കാര് പറഞ്ഞു.
/>
No comments