ഇന്ത്യക്കാരുടെ ഒഴിപ്പിക്കല് നാല് രാജ്യങ്ങളുടെ അതിര്ത്തികളിലൂടെ; തയ്യാറെടുത്ത് പ്രത്യേക സംഘങ്ങള്
ഇന്ത്യക്കാരുടെ ഒഴിപ്പിക്കല് നാല് രാജ്യങ്ങളുടെ അതിര്ത്തികളിലൂടെ; തയ്യാറെടുത്ത് പ്രത്യേക സംഘങ്ങള്
യുക്രെെനിൽ റഷ്യൻ ആക്രമണം ശക്തമായി തുടരുന്നതിനിടെ യുക്രെെനിൽ കുടുങ്ങിയ ഇന്ത്യക്കാരെ ഒഴിപ്പിക്കാൻ ബദൽ രക്ഷാമാർഗം തേടി ഇന്ത്യ. ഇന്ത്യൻ പൗരന്മാരെ നാല് രാജ്യങ്ങൾ വഴി ഒഴിപ്പിക്കാനുള്ള ശ്രമമാണ് ആലോചിക്കുന്നത്. ഹംഗറി, പോളണ്ട്, സ്ലൊവാക്യ, റൊമേനിയ, എന്നീ അതിർത്തികളിലൂടെയാണ് പൗരന്മാരെ ഒഴിപ്പിക്കുക. ഇതുമായി ബന്ധപ്പെട്ട് ഇന്ത്യ ഈ രാജ്യങ്ങളുമായി ബന്ധപ്പെട്ടിരുന്നു.20,000 ത്തോളം ഇന്ത്യക്കാരാണ് യുക്രെെനിൽ ഉള്ളത്. കഴിഞ്ഞ ദിവസങ്ങളിൽ 4000 പേരെ രക്ഷപ്പെടുത്തിയെന്നും വിദേശകാര്യ സെക്രട്ടറി അറിയിച്ചു.
ഇന്ത്യക്കാരെ സഹായിക്കാനായി ടീമുകളെ അതിർത്തികളിലേക്ക് അയച്ചുവെന്ന് വിദേശകാര്യ മന്ത്രാലയം വ്യക്തമാക്കി. പത്തംഗസംഘമാവും പ്രവർത്തനം ഏകോപിപ്പിക്കുക. ഈ ഉദ്യോഗസ്ഥരുടെ ഫോൺ നമ്പർ വിദേശകാര്യ മന്ത്രാലയം പ്രസിദ്ധീകരിച്ചിട്ടുണ്ട്.
നേരത്തെ വ്യോമ മാർഗം ഇന്ത്യക്കാരെ നാട്ടിലെത്തിക്കാന് ശ്രമിച്ചിരുന്നെങ്കിലും റഷ്യന് സൈനിക നീക്കത്തിന്റെ ഭാഗമായി വ്യോമാതിര്ത്തി അടച്ചതിനാൽ സാധ്യമായിരുന്നില്ല.ഡല്ഹിയില് നിന്നും യുക്രൈന് തലസ്ഥാനമായ കീവ്ലേക്ക് പുറപ്പെട്ട എഐ 1947 വിമാനം യാത്രക്കാരില്ലാതെ ഡല്ഹിയിലേക്ക് മടക്കേണ്ടി വന്നിരുന്നു. ഇതിന്റെ പശ്ചാത്തലത്തിലാണ് ഇന്ത്യക്കാരെ തിരികെയെത്തിക്കാൻ ബദൽ മാർഗം തേടിയത്.
/>
No comments