അന്ത്യയാത്രയ്ക്കായി കുഞ്ഞൂഞ്ഞ് കേരളത്തില്; ഉമ്മന്ചാണ്ടിയുടെ മൃതദേഹം തിരുവനന്തപുരത്ത് എത്തിച്ചു
അന്ത്യയാത്രയ്ക്കായി കുഞ്ഞൂഞ്ഞ് കേരളത്തില്; ഉമ്മന്ചാണ്ടിയുടെ മൃതദേഹം തിരുവനന്തപുരത്ത് എത്തിച്ചു
മുന്മുഖ്യമന്ത്രി ഉമ്മന്ചാണ്ടിയുടെ മൃതദേഹം തിരുവനന്തപുരത്ത് എത്തിച്ചു. ബംഗളൂരുവില് നിന്നും പ്രത്യേക വിമാനത്തില് രണ്ടരയോടെയാണ് മൃതദേഹം തിരുവനന്തപുരത്ത് എത്തിച്ചത്. തുടര്ന്ന് വന് ജനാവലിയുടെ അകമ്പടിയോടെ മൃതദേഹം തിരുവനന്തപുരത്തെ അദ്ദേഹത്തിന്റെ വസതിയായ പുതുപ്പള്ളി ഹൗസിലേയ്ക്ക് എത്തിച്ചു. ഇപ്പോള് ഇവിടെ പൊതുദര്ശനത്തിന് വെച്ചിരിക്കുകയാണ്.
മുന്മന്ത്രി ടി ജോണിന്റെ ബംഗളൂരുവിലെ വസതിയില് ഭൗതികശരീരം പൊതുദര്ശനത്തിന് വച്ച ശേഷമാണ് തിരുവനന്തപുരത്ത് എത്തിച്ചത്. കോണ്ഗ്രസ് അദ്ധ്യക്ഷന് മല്ലികാര്ജുന് ഖാര്ഗെ, കോണ്ഗ്രസ് നേതാക്കളായ സോണിയ ഗാന്ധി, രാഹുല് ഗാന്ധി, തമിഴ്നാട് മുഖ്യമന്ത്രി എം കെ സ്റ്റാലിന്, കര്ണാടക മുഖ്യമന്ത്രി സിദ്ധരാമയ്യ തുടങ്ങിയവര് അന്തിമോപചാരം അര്പ്പിച്ചു.
പുതുപ്പള്ളി ഹൗസിലെ പൊതുദര്ശനത്തിന് ശേഷം വൈകിട്ട് നാല് മണിയോടെ സെക്രട്ടേറിയറ്റിലെ ദര്ബാര് ഹാളിലും പൊതുദര്ശനം ഉണ്ടാകും. തുടര്ന്ന് അദ്ദേഹം തിരുവനന്തപുരത്തുള്ളപ്പോള് പോയിരുന്ന സെക്രട്ടേറിയറ്റിന് സമീപത്തുള്ള സെന്റ് ജോര്ജ് ഓര്ത്തഡോക്സ് കത്തീഡ്രലിലും പൊതുദര്ശനത്ത് വയ്ക്കും. ആറ് മണിയോടെ കെപിസിസി ആസ്ഥാനമായ ഇന്ദിരാ ഭവനില് പൊതുദര്ശനം ഉണ്ടാകും. രാത്രി തിരുവനന്തപുരത്തെ വസതിയിലേയ്ക്കു തന്നെ മൃതദേഹം കൊണ്ടുപോകുമെന്നും പ്രതിപക്ഷനേതാവ് വി.ഡി സതീശന് മാധ്യമങ്ങളോട് അറിയിച്ചു.
/>
No comments