അറബിക്കടലില് പുതിയ ന്യൂനമര്ദം, വരും ദിവസങ്ങള് വ്യാപകമഴ, ഉയര്ന്ന തിരമാലയ്ക്കും കടലാക്രമണത്തിനും സാധ്യത, ജാഗ്രത
അറബിക്കടലില് പുതിയ ന്യൂനമര്ദം, വരും ദിവസങ്ങള് വ്യാപകമഴ, ഉയര്ന്ന തിരമാലയ്ക്കും കടലാക്രമണത്തിനും സാധ്യത, ജാഗ്രത
തിരുവനന്തപുരം: കേരളത്തില് അടുത്ത രണ്ടുമൂന്ന് ദിവസം വ്യാപകമായ മഴയ്ക്ക് സാധ്യതയെന്ന് മുന്നറിയിപ്പ്. മധ്യകിഴക്കന് അറബിക്കടലിനു മുകളില് ന്യൂനമര്ദ്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ് അറിയിച്ചു.
ബംഗാള് ഉള്ക്കടലില് നിന്നും തെക്ക് – കിഴക്കന് ഇന്ത്യയ്ക്ക് മുകളിലേക്ക് കിഴക്കന് കാറ്റ് ശക്തമായതായും കാലാവസ്ഥ വകുപ്പിന്റെ മുന്നറിയിപ്പില് പറയുന്നു. ഇതിന്റെ സ്വാധീനഫലമായിട്ടാണ് മഴ ലഭിക്കുക.
ശക്തമായ മഴക്ക് സാധ്യതയുണ്ടെന്നാണ് കാലാവസ്ഥ വകുപ്പ് അറിയിച്ചിരിക്കുന്നത്. അതിനാല് ജാഗ്രത പുലര്ത്തണമെന്നും മുന്നറിയിപ്പില് പറയുന്നു. ഇന്ന് എറണാകുളം, ഇടുക്കി, പാലക്കാട്, മലപ്പുറം ജില്ലകളില് യെല്ലോ അലേര്ട്ട് പ്രഖ്യാപിച്ചു.
വ്യാഴാഴ്ച ഇടുക്കി ജില്ലയിലും യെല്ലോ അലര്ട്ടുണ്ട്. ഇന്ന്കേരളത്തീരത്ത് ഇന്ന് ( ബുധന്) രാത്രി 11.30 വരെ ഒന്നുമുതല് 1.7 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ട്. അതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കണമെന്നും മുന്നറിയിപ്പില് പറയുന്നു.
/>
No comments