കേരളത്തില്‍ വെളുത്തുള്ളി വില കുത്തനെ മുകളിലേക്ക്, കിലോയ്ക്ക് 150രൂപയുടെ വര്‍ധനവ്
കേരളത്തില്‍ വെളുത്തുള്ളി വില കുത്തനെ മുകളിലേക്ക്, കിലോയ്ക്ക് 150രൂപയുടെ വര്‍ധനവ്
തിരുവനന്തപുരം: കേരളത്തില്‍ വെളുത്തുള്ളി വില കുതിച്ചുയരുന്നു. 100 മുതല്‍ 150 രൂപ വരെയാണ് വെളുത്തുള്ളി വിലയില്‍ വര്‍ധനവ് ഉണ്ടായിരിക്കുന്നത്.
ഒരു മാസം മുന്‍പ് വരെ 300-350 രൂപയാണ് ഉണ്ടായിരുന്നത്. കഴിഞ്ഞ ദിവസം തിരുവനന്തപുരം ചാല മാര്‍ക്കറ്റില്‍ വെളുത്തുള്ളിയുടെ ചില്ലറവില്‍പ്പന വില കിലോയ്ക്ക് 450 രൂപയായി.
രണ്ടാഴ്ചയ്ക്കുള്ളിലാണ് ഇത്രയധികം വില ഉയര്‍ന്നതെന്നും ഈ വില വര്‍ധനവ് ആദ്യമാണെന്നും കാലാവസ്ഥാ വ്യതിയാനത്തെ തുടര്‍ന്ന് വെളുത്തുള്ളി ഉല്‍പാദനം ഗണ്യമായി കുറഞ്ഞതാണ് വില ഉയരാന്‍ കാരണമെന്ന് വ്യാപാരികള്‍ പറയുന്നു.
തമിഴ്നാട്, മഹാരാഷ്ട്ര, മധ്യപ്രദേശ്, ഗുജറാത്ത്, രാജസ്ഥാന്‍, പഞ്ചാബ് എന്നിവിടങ്ങളില്‍ നിന്നാണ് കേരളത്തിലേക്കു പ്രധാനമായും വെളുത്തുള്ളി എത്തുന്നത്.
ശനിയാഴ്ച കൃഷി വകുപ്പിന്റെ ഹോര്‍ട്ടികോര്‍പ് വില്‍പനശാലകളില്‍ വെളുത്തുള്ളി കിലോയ്ക്ക് 195 രൂപയായിരുന്നു. കഴിഞ്ഞ വര്‍ഷം വെളുത്തുള്ളി കിലോയ്ക്ക് 32-40 രൂപയായിരുന്നു വില.
/>
No comments