വയനാടിനെ ഭീതിയിലാഴ്ത്തി ജനവാസമേഖലയില്‍ വീണ്ടും കാട്ടാന, മതില്‍ തകര്‍ത്ത് വീട്ടുമുറ്റത്തെത്തി ആക്രമണം, ഒരു മരണം
വയനാടിനെ ഭീതിയിലാഴ്ത്തി ജനവാസമേഖലയില്‍ വീണ്ടും കാട്ടാന, മതില്‍ തകര്‍ത്ത് വീട്ടുമുറ്റത്തെത്തി ആക്രമണം, ഒരു മരണം
സുല്‍ത്താന്‍ ബത്തേരി: വയനാട്ടില്‍ കാട്ടാനയുടെ ആക്രമണത്തില്‍ ഒരാള്‍ക്ക് ദാരുണാന്ത്യം. പയ്യമ്പള്ളി സ്വദേശി അജിയാണ് മരിച്ചത്. ജനവാസമേഖലയില്‍ തുടരുന്ന കാട്ടാനയെ തുരത്താനുള്ള ശ്രമം വനപാലകര്‍ തുടരുകയാണ്.
കര്‍ണാടകത്തില്‍ നിന്നെത്തിയ റേഡിയോ കോളര്‍ ഘടിപ്പിച്ച ആനയാണ് അജിയെ ആക്രമിച്ചത്. നിലവില്‍ കുറുവ കാടുകള്‍ അതിരിടുന്ന ജനവാസമേഖലയിലാണ് കാട്ടാനയുള്ളത്.
കാട്ടാനയുടെ ആക്രമണത്തില്‍ ഗുരുതരമായി പരിക്കേറ്റ അജിയെ മാനന്തവാടി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
നേരത്തെ തണ്ണീര്‍ ക്കൊമ്പന്‍ ഇറങ്ങിയ ഭാഗത്തിന് സമീപത്തുതന്നെയാണ് ഈ ആനയും ഇപ്പോള്‍ നിലയുറപ്പിച്ചിരിക്കുന്നത്. പ്രദേശത്ത് നിന്നും ആനയെ തുരത്തുന്നതിനായി വന്‍ തോതില്‍ വനപാലകര്‍ എത്തിയിട്ടുണ്ട്.
/>
No comments