വിദ്യാഭ്യാസമുണ്ട്, തൊഴിലില്ല; രാജ്യത്തെ തൊഴില്രഹിതരില് 83 ശതമാനവും യുവാക്കളാണെന്ന് ഇന്റര്നാഷണല് ലേബര് ഓര്ഗനൈസേഷന്റെ റിപ്പോർട്ട്
വിദ്യാഭ്യാസമുണ്ട്, തൊഴിലില്ല; രാജ്യത്തെ തൊഴില്രഹിതരില് 83 ശതമാനവും യുവാക്കളാണെന്ന് ഇന്റര്നാഷണല് ലേബര് ഓര്ഗനൈസേഷന്റെ റിപ്പോർട്ട്
ഇന്ത്യയിൽ തൊഴിൽരഹിതരായ യുവാക്കളുടെ എണ്ണം വന്തോതില് വര്ധിക്കുന്നതായി റിപ്പോര്ട്ട്. തൊഴിലില്ലായ്മയില് 83 ശതമാനം പേരും യുവാക്കളാണെന്ന ഞെട്ടിക്കുന്ന വിവരമാണ് ഇന്റര്നാഷണല് ലേബര് ഓര്ഗനൈസേഷന്റെ ഇന്സ്റ്റിറ്റ്യൂട്ട് ഓഫ് ഹ്യൂമന് ഡെവലപ്മെന്റ് റിപ്പോര്ട്ട് പുറത്തുവിട്ടിരിക്കുന്നത്. 2000 മുതൽ 2022 വരെയുള്ള കണക്കാണ് റിപ്പോർട്ടിൽ ഉള്ളത്.
ഹയര് സെക്കന്ഡറി വിദ്യാഭ്യാസം കഴിഞ്ഞ യുവാക്കളില് 65.7 ശതമാനം പേര്ക്കും തൊഴിലില്ല എന്നാണ് റിപ്പോര്ട്ട് പറയുന്നത്. 2000ല് ഇത് 35.2 ശതമാനമായിരുന്നു. തൊഴിലില്ലായ്മ അനുഭവിക്കുന്ന 83% ശതമാനം യുവാക്കളിൽ പത്താം ക്ലാസിന് മുകളിൽ വിദ്യാഭ്യാസം നേടിയവർ 65.7 ശതമാനം പേരുണ്ടെന്നാണ് കണക്കുകൾ പറയുന്നത്. പത്താം ക്ലാസ് പൂർത്തിയാക്കിയ യുവാക്കളിലെ തൊഴിലില്ലായ്മ നിരക്ക് 2018 വരെയുള്ള കണക്കുമായി താരതമ്യം ചെയ്യുമ്പോൾ ഇരട്ടിയായി വർദ്ധിച്ചിട്ടുണ്ട്.
വിദ്യാഭ്യാസയോഗ്യത ഉണ്ടായിട്ടും തൊഴിൽരഹിതരായി നിൽക്കുന്ന യുവാക്കളുടെ എണ്ണത്തിലും ഗണ്യമായ വർധനവാണ് കഴിഞ്ഞ വർഷങ്ങളിൽ രേഘപ്പെടുത്തിയിട്ടുള്ളത്. റിപ്പോർട്ട് അനുസരിച്ച്, 2000ൽ 54.2 ശതമാനം ആയിരുന്ന കണക്ക് 2022 ആയപ്പോഴേക്കും 65.7 ശതമാനം ആയി വർദ്ധിച്ചു. ഇതിൽ പുരുഷന്മാരേക്കാൾ സ്ത്രീകളാണ് എണ്ണത്തിൽ കൂടുതൽ, 62.2 ശതമാനം പുരുഷന്മാരും 76.7 ശതമാനം സ്ത്രീകളുമാണ് വിഭ്യാഭ്യാസം ഉണ്ടായിട്ടുകൂടി തൊഴിൽരഹിതരായി തുടരുന്നത്.
സ്ഥിരം ജീവനക്കാര്ക്കും സ്വയം തൊഴില് ചെയ്യുന്നവര്ക്കുമുള്ള വേതനം 2019ന് ശേഷം വര്ധിച്ചില്ല. അവിദഗ്ധ തൊഴിലാളികള്ക്കിടയില് വലിയൊരു വിഭാഗത്തിന് 2022ല് മിനിമം വേതനം പോലും ലഭിച്ചില്ല. ബിഹാര്, ഉത്തര്പ്രദേശ്, ഒഡീഷ, മധ്യപ്രദേശ്, ജാര്ഖണ്ഡ്, ചത്തീസ്ഗഢ് തുടങ്ങിയ സംസ്ഥാനങ്ങളിലാണ് മോശം തൊഴിലവസരങ്ങൾ പ്രകടമായി കാണുന്നതെന്നും റിപ്പോർട്ടിൽ പറയുന്നു.
2009 നും 2019 നും ഇടയില് യുവാക്കളുടെ തൊഴിലവസരങ്ങള് ഗണ്യമായി വര്ധിക്കുകയും കോവിഡ് പകര്ന്നുപിടിച്ച വര്ഷങ്ങളില് കുറഞ്ഞതായും റിപ്പോര്ട്ടില് പറയുന്നു. കാര്ഷിക മേഖലയില് തൊഴില് അവസരങ്ങള് ഗണ്യമായി കുറഞ്ഞെന്നും കാര്ഷികേതര മേഖലയില് തൊഴില് അവസരങ്ങള് ലര്ധിച്ചെന്നും റിപ്പോര്ട്ടില് പറയുന്നു. കാര്ഷിക മേഖലയിലെ തൊഴിലാളികള് പ്രധാനമായും നിര്മ്മാണ മേഖലയിലേക്കാണ് മാറിയതെന്നും റിപ്പോര്ട്ട് വ്യക്തമാക്കുന്നു. ഏകദേശം 90 ശതമാനം തൊഴിലാളികളും അസംഘടിത മേഖലയിലാണ് ജോലി ചെയ്യുന്നത്.
/>
No comments