ഒന്നുകിൽ മാസം 1.6 ജിബി മാത്രം ഉപയോഗിക്കുക; അല്ലെങ്കിൽ, ഒരുപാട്​ പണം മുടക്കാൻ തയ്യാറാവുക -ഉപയോക്താക്കൾക്ക് ദുസ്സൂചന നൽകി എയർടെൽ തലവൻ സുനിൽ ഭാരതി മിത്തൽ

ലോകത്ത്​ ഏറ്റവും കുറഞ്ഞ തുകക്ക്​ ഇൻറർനെറ്റ്​ ലഭിക്കുന്ന രാജ്യമെന്ന്​​ ഇന്ത്യയെ കുറിച്ച്​ ഒാർത്ത്​ അഭിമാനിക്കുന്നവർക്ക്​ ദുസ്സൂചന നൽകിക്കൊണ്ട്​ ഭാരതി എയർടെൽ തലവ​െൻറ പുതിയ പ്രസ്​താവന. ഒരു പുസ്​തക പ്രകാശന ചടങ്ങിനിടെ സുനിൽ ഭാരതി മിത്തൽ ഉപയോക്താക്കളോടായി പറഞ്ഞത്​ -' ഇൻറർനെറ്റിന്​ ഒരുപാട്​ പണം മുടക്കാൻ തയാറായിക്കോളൂ' എന്നാണ്​.

പി.ടി.​െഎ ആണ്​ ഇതുമായി ബന്ധപ്പെട്ടുള്ള വാർത്ത പുറത്തുവിട്ടത്​. 160 രൂപക്ക്​ 16 ജിബി പ്ലാൻ നൽകുന്നത്​ പോലും ഒരു ദുരന്തമാണെന്നാണ്​ സുനിൽ മിത്തലി​െൻറ പക്ഷം. 1.6 ജിബിക്ക് ഉപയോക്​താക്കൾ​ മാസം 160 രൂപ നൽകേണ്ടി വരുമെന്നും അദ്ദേഹം പറഞ്ഞു​. മുകേഷ്​ അംബാനിയുടെ ജിയോ രാജ്യത്ത്​ ലോഞ്ച്​ ചെയ്യുന്നതിന്​ മുമ്പുള്ള ഡാറ്റാ പ്ലാനുകളായിരിക്കും ഇത്​ കേട്ടാൽ ഒാർമ വരിക.

എയർടെൽ തലവ​െൻറ അഭിപ്രായം വെച്ചുനോക്കിയാൽ ഒാരോരുത്തരും ഒരു ജിബിക്ക്​ 100 രൂപ നൽകേണ്ടി വരും. ''ഒന്നുകിൽ നിങ്ങൾ മാസം 1.6 ജിബി മാത്രം ഉപയോഗിക്കുക. അല്ലെങ്കിൽ, ഒരുപാട്​ പണം മുടക്കാൻ തയ്യാറാവേണ്ടിവരും. അമേരിക്കയിലും യൂറോപ്പിലുമുള്ളത്​ പോലെ 50-60 ഡോളർ (4000 ഇന്ത്യൻ രൂപ) നമ്മൾ ആവശ്യപ്പെടുന്നില്ല. എന്നാൽ, 16 ജിബിക്ക്​ രണ്ട്​ ഡോളർ എന്നത്​ ഒരിക്കലും സാധ്യമല്ല''. മിത്തൽ പറഞ്ഞതായി പി.ടി.​െഎ റിപ്പോർട്ട്​ ചെയ്യുന്നു.

'ഒരു ഉപയോക്​താവിൽ നിന്നും ശരാശരി 300 രൂപയെങ്കിലും വരുമാനം എയർടെല്ലിന്​ വേണം. കഴിഞ്ഞ ജൂൺ മാസം വരെ എയർടെല്ലി​െൻറ ആവറേജ്​ റെവന്യൂ പെർ യൂസർ (എ.ആർ.പി.യു) 157 രൂപയാണ്​. ആറ്​ മാസം കൊണ്ട്​ അത്​ 200 രൂപയാകും. 250 രൂപയെങ്കിലും ലഭിക്കണമെന്നും മിത്തൽ പറഞ്ഞു. റിലയൻസ്​ ജിയോയുടെ എ.ആർ.പി.യു നിലവിൽ 140.30 രൂപയാണ്​.

'കുറഞ്ഞ തുകയ്​ക്ക്​ കുറഞ്ഞ ഡാറ്റ മാത്രമുള്ള പ്ലാനുകളും ലഭ്യമായിരിക്കും. എന്നാൽ, ഒരുപാട്​ ടി.വി ഷോകളും മറ്റ്​ വിനോദങ്ങളും ആസ്വദിക്കാനാണെങ്കിൽ നിങ്ങൾ കൂടുതൽ പണം മുടക്കേണ്ടിയിരിക്കുന്നു. -മിത്തൽ കൂട്ടിച്ചേർത്തു. സമീപ കാലത്ത്​ തന്നെ ഡാറ്റാ പ്ലാനുകൾക്ക്​ വലിയൊരു ചാർജ്​ വർധനവിനുള്ള സൂചനയാണ്​ എയർടെൽ തലവൻ നൽകുന്നത്​. എയർടെൽ ചാർജ്​ വർധിപ്പിച്ചാൽ വൊഡാഫോൺ ​െഎഡിയ, ജിയോ എന്നിവരും അതിന്​ നിർബന്ധിതരായേക്കും. അങ്ങനെയെങ്കിൽ, ഒരു ജിബിക്ക്​ 100 രൂപക്ക്​ മുകളിൽ നൽകേണ്ടിവരുന്ന പഴയ കാലത്തിലേക്ക്​ ഉപയോക്​താക്കൾ മടങ്ങിപ്പോകേണ്ടി വരും.