സന്തോഷ് ജോര്ജ് കുളങ്ങരക്ക് യുഎഇ ഗോള്ഡന് വിസ
സന്തോഷ് ജോര്ജ് കുളങ്ങരക്ക് യുഎഇ ഗോള്ഡന് വിസ
ദുബായ്: പ്രമുഖസഞ്ചാരി സന്തോഷ് ജോര്ജ് കുളങ്ങരക്ക് യുഎഇ ഗോള്ഡന് വിസ. യുഎഇയില് നടന്ന ചടങ്ങില് അദ്ദേഹം പത്തുവര്ഷത്തെ വിസ ഏറ്റുവാങ്ങി. ഏതെങ്കിലും മേഖലകളില് പ്രതിഭ തെളിയിച്ചവര്ക്കാണ് യുഎഇ ഗോള്ഡന് വിസ നല്കുന്നത്.
വിവിധ തൊഴില് രംഗങ്ങളില് മികവ് തെളിയിച്ചവര്ക്കും മികച്ച പ്രകടനം കാഴ്ചവെച്ച വിദ്യാര്ത്ഥികള്ക്കും യുഎഇ ഭരണകൂടം പത്ത് വര്ഷത്തേക്കുള്ള ഗോള്ഡന് വിസകള് അനുവദിക്കുന്നുണ്ട്. അബുദാബിയില് അഞ്ഞൂറിലേറെ ഡോക്ടര്മാര്ക്ക് ദീര്ഘകാല താമസത്തിനുള്ള ഗോള്ഡന് വിസ അനുവദിച്ചിരുന്നു.
10 വര്ഷത്തേക്കുള്ള വിസ അനുവദിക്കുന്ന ഗോള്ഡന് വിസ പദ്ധതി 2018-ലാണ് യുഎഇ സര്ക്കാര് ആരംഭിച്ചത്. മലയാള സിനിമയില് നിന്ന് നിരവധി അഭിനേതാക്കള്ക്ക് ഗോള്ഡന് വിസ ലഭിച്ചിരുന്നു.
മമ്മൂട്ടി, മോഹന്ലാല്, പൃഥ്വിരാജ്, ദുല്ഖര് സല്മാന്, നൈല ഉഷ, ടൊവിനോ തോമസ്, ആശാ ശരത്, ആസിഫ് അലി, മിഥുന് രമേശ്, ലാല് ജോസ്, മീര ജാസ്മിന്, സംവിധായകന് സലീം അഹമ്മദ്, സിദ്ദിഖ്, ഗായിക കെ എസ് ചിത്ര, സുരാജ് വെഞ്ഞാറമൂട്, നിര്മ്മാതാവ് ആന്റോ ജോസഫ് എന്നിവര് ഗോള്ഡന് വിസ സ്വീകരിച്ചിരുന്നു.
/>
No comments