വാഹനാപകടത്തില് പരിക്കേറ്റു; ആലപ്പുഴ സ്വദേശിക്ക് നാല് കോടി രൂപ നഷ്ടപരിഹാരം നല്കാന് ദുബായ് കോടതി വിധി
വാഹനാപകടത്തില് പരിക്കേറ്റു; ആലപ്പുഴ സ്വദേശിക്ക് നാല് കോടി രൂപ നഷ്ടപരിഹാരം നല്കാന് ദുബായ് കോടതി വിധി
ദുബായ് അല് ഐന് റോഡില് വെച്ച് വാഹനങ്ങള് തമ്മില് കൂട്ടിയിടിച്ചുണ്ടായ അപകടത്തെ തുടര്ന്ന് നടത്തിയ കേസിലാണ് വിനുവിന് അനുകൂലമായ വിധി വന്നിരിക്കുന്നത്.
ദുബായ്: വാഹനാപകടത്തില് പരിക്കേറ്റ ആലപ്പുഴ സ്വദേശിക്ക് നാല് കോടി രൂപ നഷ്ടപരിഹാരം നല്കാന് ദുബായ് കോടതിയുടെ വിധി. ആലപ്പുഴ സ്വദേശിയായ വിനു എബ്രഹാം തോമസിനാണ് രണ്ട് മില്യണ് ദിര്ഹം(നാല് കോടി ഇന്ത്യന് രൂപ) നഷ്ടപരിഹാരം നല്കാന് ദുബായ് കോടതി വിധിച്ചത്.
2019 നവംബറിലാണ് കേസിനാസ്പദമായ സംഭവം നടന്നത്. ദുബായ് അല് ഐന് റോഡില് വെച്ച് വാഹനങ്ങള് തമ്മില് കൂട്ടിയിടിച്ചുണ്ടായ അപകടത്തെ തുടര്ന്ന് നടത്തിയ കേസിലാണ് വിനുവിന് അനുകൂലമായ വിധി വന്നിരിക്കുന്നത്. ദുബായ്യിലെ പ്രമുഖ ഇന്ഷുറന്സ് കമ്പനിക്കെതിരെയാണ് വിനു കേസ് കൊടുത്തിരിക്കുന്നത്.
കേസ് നടത്തിപ്പിനായി വിനുവിന്റെ സഹോദരന് വിനീഷ്, മുന് ഷാര്ജ ഇന്ത്യന് അസോസിയേഷന് പ്രസിഡന്റ് ഇപി ജോണ്സണ് ബന്ധുക്കളായ അലെന്, ജിനു എന്നിവര് യുഎഇയിലെ നിയമ പ്രതിനിധിയും സാമൂഹിക പ്രവര്ത്തകനുമായ സലാം പാപ്പിനിശ്ശേരിയെ സമീപിക്കുകയായിരുന്നു.
ശേഷം അദ്ദേഹത്തിന്റെ സംയോജിതമായ ഇടപെടലിലൂടെ നടത്തിയ നിയമനടപടിയിലൂടെയാണ് വിനുവിന് ഇത്തരത്തിലൊരു അനുകൂല വിധി സ്വന്തമാക്കാന് സാധിച്ചത്.
/>
No comments