ഫുട്‍ബോളിൽ ഒരു താരത്തിന് നേടാൻ പറ്റുന്ന എല്ലാ നേട്ടങ്ങളും ഞാൻ സ്വന്തമാക്കി, ബാലൺസ് ഡി ഓർ ഒന്നും ഇപ്പോൾ എന്റെ മനസ്സിൽ പോലും ഇല്ല; വെളിപ്പെടുത്തി മെസി

 ഫുട്‍ബോളിൽ ഒരു താരത്തിന് നേടാൻ പറ്റുന്ന എല്ലാ നേട്ടങ്ങളും ഞാൻ സ്വന്തമാക്കി, ബാലൺസ് ഡി ഓർ ഒന്നും ഇപ്പോൾ എന്റെ മനസ്സിൽ പോലും ഇല്ല; വെളിപ്പെടുത്തി മെസി

ഇന്റർ മിയാമി ഫോർവേഡ് ലയണൽ മെസ്സി അടുത്തിടെ 2023 ബാലൺ ഡി ഓറിനായിട്ടുള്ള തന്റെ ചിന്തകൾ പങ്കിട്ടു. അർജന്റീനിയൻ താരം ഇതിനകം ഏഴ് ബാലൺസ് ഡി ഓർ നേടിയിട്ടുണ്ട്, തൊട്ടടുത്ത സ്ഥാനത്തുള്ള ക്രിസ്റ്റ്യാനോ റൊണാൾഡോയേക്കാൾ രണ്ട് കൂടുതലാണ് ഇത്. 2022-23 സീസണിലെ മികച്ച പ്രകടനത്തിന് ശേഷം എട്ടാം തവണയും പുരസ്‌കാരം നേടാനുള്ള മത്സരത്തിലാണ് അദ്ദേഹം.

ലയണൽ മെസി ഈ സീസണിൽ 34 മത്സരങ്ങളിൽ നിന്ന് 11 ഗോളുകൾ നേടുകയും 15 അസിസ്റ്റുകൾ നൽകുകയും ചെയ്തു, ലീഗ് 1 കിരീടം നേടാൻ പി.എസ്.ജിയെ സഹായിച്ചു. കൂടുതൽ ശ്രദ്ധേയമായി, 36 വർഷത്തിന് ശേഷം അർജന്റീനയുടെ ആദ്യ ഫിഫ ലോകകപ്പ് ട്രോഫിയിലേക്ക് അദ്ദേഹം നയിച്ചു.

36 കാരനായ അദ്ദേഹം ടൂർണമെന്റിലെ ഏഴ് മത്സരങ്ങളിൽ നിന്ന് ഏഴ് ഗോളുകളും മൂന്ന് അസിസ്റ്റുകളും നേടി. തൽഫലമായി, ഫിഫ ലോകകപ്പ് ഗോൾഡൻ ബോൾ രണ്ട് തവണ നേടുന്ന ആദ്യ കളിക്കാരനായി.

2023-ലെ ബാലൺ ഡി ഓർ നേടാനുള്ള സാധ്യതയെക്കുറിച്ച് മെസി പറഞ്ഞത് ഇങ്ങനെ :

“എനിക്ക് ക്ലബ് ട്രോഫികളാണ് ഇഷ്ടമെന്ന് എപ്പോഴും പറയാറുള്ളത് പോലെ ഞാൻ ഒരിക്കലും വ്യക്തികത നേട്ടങ്ങൾക്ക് വലിയ പ്രാധാന്യം നൽകിയില്ല. ഞാൻ അതിനെക്കുറിച്ച് ചിന്തിക്കുന്നില്ല. അത് വന്നാൽ നല്ലത്, ഇല്ലെങ്കിൽ ഒന്നും സംഭവിക്കില്ല. ഞാൻ ഇതിനകം ഫുട്ബോളിൽ എല്ലാ നേട്ടങ്ങളും സ്വന്തമാക്കിയിട്ടും വിജയിച്ചിട്ടുമുണ്ട്. ഇപ്പോൾ ഞാൻ വെറുതെ നല്ല നിമിഷം ആസ്വദിക്കുന്നു.”