കുറ്റം പറയാൻ ആയിരം ആളുകൾ കാണും, നല്ലത് ചെയ്താൽ അംഗീകരിക്കാൻ ആൾ കുറവാണ്; ക്രിസ്റ്റ്യാനോ റൊണാൾഡോയുടെ മികച്ച പെരുമാറ്റത്തെ മാധ്യമങ്ങൾ കാണിക്കാത്തതിൽ പ്രതിഷേധം ശക്തം; വീഡിയോ വൈറൽ
കുറ്റം പറയാൻ ആയിരം ആളുകൾ കാണും, നല്ലത് ചെയ്താൽ അംഗീകരിക്കാൻ ആൾ കുറവാണ്; ക്രിസ്റ്റ്യാനോ റൊണാൾഡോയുടെ മികച്ച പെരുമാറ്റത്തെ മാധ്യമങ്ങൾ കാണിക്കാത്തതിൽ പ്രതിഷേധം ശക്തം; വീഡിയോ വൈറൽ
ചൊവ്വാഴ്ച അൽ-ഷബാബിനെതിരായ വിജയത്തിൽ ക്രിസ്റ്റ്യാനോ റൊണാൾഡോ തനിക്ക് ഹാട്രിക്ക് അടിക്കാൻ അവസരം ഉണ്ടായിട്ടും അൽ-നാസർ ടീമംഗം അബ്ദുൾറഹ്മാൻ ഗരീബിന് പെനാൽറ്റി നൽകിയതുമായി ബന്ധപ്പെട്ടുള്ള പ്രതികരണവുമായി ആരാധകർ രംഗത്ത് എത്തിയിരിക്കുന്നു. ചൊവ്വാഴ്ച നടന്ന മറ്റൊരു നിർണായക വിജയത്തോടെ അൽ-നാസർ സീസണിലെ തങ്ങളുടെ രണ്ടാമത്തെ സൗദി പ്രോ ലീഗ് ഗെയിം നേടി. അൽ-ഫത്തേഹിനെ 5-0 ന് തോൽപ്പിച്ച ശേഷം, അവർ അൽ-ഷബാബിനെ 4-0 ന് തകർത്തു. ക്രിസ്റ്റ്യാനോ റൊണാൾഡോ അൽ-ഫത്തേയ്ക്കെതിരെ ഹാട്രിക് നേടിയിരുന്നു. ചൊവ്വാഴ്ചയും ഹാട്രിക്ക് നേടാമായിരുന്നു.
13-ാം മിനിറ്റിൽ പെനാൽറ്റിയിലൂടെ പോർച്ചുഗീസ് താരമാണ് ലൂയിസ് കാസ്ട്രോയുടെ സ്കോറിങ് തുറന്നത്. പിന്നീട് 38-ാം മിനിറ്റിൽ പെനാൽറ്റിയിലൂടെ വീണ്ടും ഗോൾ നേടി അവരുടെ ലീഡ് ഇരട്ടിയാക്കി. രണ്ട് മിനിറ്റിന് ശേഷം റൊണാൾഡോയുടെ അസിസ്റ്റിലൂടെ സാദിയോ മാനെ ഗോൾ നേടി.
രണ്ടാം പകുതിയിൽ 63-ാം മിനിറ്റിൽ അൽ-നാസറിന് മറ്റൊരു പെനാൽറ്റി ലഭിച്ചതോടെ റൊണാൾഡോയ്ക്ക് ഹാട്രിക് തികയ്ക്കാനുള്ള അവസരം ലഭിച്ചു. എന്നിരുന്നാലും, സീസണിലെ തന്റെ ഗോൾസ്കോറിംഗ് അക്കൗണ്ട് തുറക്കാൻ താരം അബ്ദുൾറഹ്മാൻ ഗരീബിന് പന്ത് നൽകി. നിർഭാഗ്യവശാൽ സൗദി അറേബ്യൻ ഫോർവേഡ് അവസരം നഷ്ടമാക്കി. റൊണാൾഡോ തന്റെ തുടർച്ചയായ രണ്ടാം ഹാട്രിക്ക് തികയ്ക്കാൻ മാത്രമല്ല, ക്ലബ്ബിനും രാജ്യത്തിനുമായി 850 കരിയർ ഗോളുകൾ നേടാനുള്ള അവസരവും വേണ്ടെന്ന് വെച്ചിരുന്നു. അൽ-നാസർ ക്യാപ്റ്റന്റെ നിസ്വാർത്ഥതയെ അഭിനന്ദിക്കാൻ ആരാധകർ എക്സിൽ (മുമ്പ് ട്വിറ്റർ എന്നറിയപ്പെട്ടിരുന്നു) കുതിച്ചു. ഒരു ആരാധകൻ കമന്റ് ചെയ്തു:
“ക്രിസ്റ്റ്യാനോ റൊണാൾഡോ പെനാൽറ്റി നഷ്ടമാക്കിയതിന് ശേഷം തന്റെ സഹതാരം ഗരീബിനെ പിന്തുണയ്ക്കുന്നു. മാധ്യമങ്ങൾ അവന്റെ ഈ വശം കാണിക്കില്ല.”,”റൊണാൾഡോ എന്തെങ്കിലും കുറ്റം ചെയ്താൽ അതിനെ വാർത്തയാക്കാൻ എല്ലാവരും കാണും, നല്ലത് പറയാൻ ആരും കാണില്ല” ഉൾപ്പടെ അനവധി അഭിപ്രായങ്ങളാണ് ഇപ്പോൾ ഉയരുന്നത്.
/>
No comments