42 വയസ്സല്ലേ ധോണി ഭായ് ഇതാ പിടിച്ചോ 52 ഇഞ്ചുള്ള ഉഗ്രൻ കട്ട്‌ഔട്ട്, ധോണിക്ക് പിറന്നാൾ സമ്മാനവുമായി ആരാധകർ; ചിത്രങ്ങൾ വൈറൽ

 42 വയസ്സല്ലേ ധോണി ഭായ് ഇതാ പിടിച്ചോ 52 ഇഞ്ചുള്ള ഉഗ്രൻ കട്ട്‌ഔട്ട്, ധോണിക്ക് പിറന്നാൾ സമ്മാനവുമായി ആരാധകർ; ചിത്രങ്ങൾ വൈറൽ

എം‌എസ് ധോണിയുടെ 42-ാം ജന്മദിനത്തിന് മുന്നോടിയായി, മുൻ ഇന്ത്യൻ ക്യാപ്റ്റന്റെ ഒരു കൂറ്റൻ കട്ട്‌ഔട്ട് സോഷ്യൽ മീഡിയയിലുടനീളം ചർച്ചയാകുന്നു. ഏകദേശം 52 അടി ഉയരമുള്ള ഈ ചിത്രം ഹൈദരാബാദിൽ നിന്നുള്ള ചില ധോണി ആരാധകരാണ് ജൂലൈ 7 ന് തങ്ങളുടെ ആരാധനാപാത്രത്തിന്റെ ജന്മദിനം ആഘോഷിക്കാൻ തയ്യാറാക്കിയത്.

ചെന്നൈ സൂപ്പർ കിംഗ്‌സിന്റെ ക്യാപ്റ്റനെന്ന നിലയിൽ ധോണി അടുത്തിടെ തന്റെ ട്രോഫി ക്യാബിനറ്റിലേക്ക് അഞ്ചാം ഐപിഎൽ കിരീടം ചേർത്തതിനാൽ തന്നെ ആരാധകരെഈ ആഘോഷത്തിലേക്ക് നയിച്ചില്ലെങ്കിൽ മാത്രമേ അതിശയിക്കാനുള്ളു. ഇത് അദ്ദേഹത്തിന്റെ ആരാധകരെ ഉന്മാദത്തിലാക്കി. ട്വിറ്ററിൽ ധോണിയുടെ കട്ടൗട്ടിന്റെ ചിത്രങ്ങൾ വന്നതിന് പിന്നാലെ ഹൈദരാബാദിന്റെ ക്രിക്കറ്റ് ആവേശം ചർച്ചകളിൽ നിറയുന്നു.

ഫോട്ടോയിൽ, കൈയിൽ ബാറ്റും പിടിച്ച് ഇന്ത്യൻ ജഴ്‌സി ധരിച്ച് പാഡ് അപ്പ് ചെയ്തിരിക്കുന്ന ധോണിയെയാണ് കാണാൻ സാധിക്കുന്നത് . വിരമിച്ചിട്ട് വർഷങ്ങൾ കഴിഞ്ഞിട്ടും ഇന്ത്യൻ ജനതയിൽ “എംഎസ് ധോണിയോടുള്ള ആവേശം” ഇതൊക്കെ ഉയർത്തിക്കാട്ടുന്നു. കമന്റ് വിഭാഗത്തിൽ നിരവധി എംഎസ് ധോണി ആരാധകർ ഇതിഹാസ നായകനോട് ആദരവ് പ്രകടിപ്പിക്കുന്നത് കണ്ടു. ചിലർ ക്യാപ്റ്റൻ കൂളിന്റെ കായികരംഗത്തെ സംഭാവനകളും എടുത്തുകാട്ടി.

ഏകദേശം 15 വർഷത്തോളം രാജ്യാന്തര സർക്യൂട്ടിൽ ചെലവഴിച്ച എംഎസ് ധോണി ഒരു ക്യാപ്റ്റന് നേടാവുന്നതെല്ലാം നേടിയിട്ടുണ്ട്. ഇന്ത്യൻ ടി20 ഐ ടീമിന്റെ ക്യാപ്റ്റനായ ശേഷം, 2007-ൽ ധോണി ആദ്യ ടി20 ലോകകപ്പ് കിരീടം ഉയർത്തി. അദ്ദേഹത്തിന്റെ നേതൃത്വത്തിൽ, 2013-ൽ ഐസിസി ചാമ്പ്യൻസ് ട്രോഫി സ്വന്തമാക്കുന്നതിന് മുമ്പ് 2011 ഏകദിന ലോകകപ്പ് മെൻ ഇൻ ബ്ലൂ സ്വന്തമാക്കി.