പിന്നോട്ടെടുത്ത വാഹനം ശരീരത്തില്‍ കയറിയിറങ്ങി; മദ്രസ അധ്യാപകന് ദാരുണാന്ത്യം
പിന്നോട്ടെടുത്ത വാഹനം ശരീരത്തില്‍ കയറിയിറങ്ങി; മദ്രസ അധ്യാപകന് ദാരുണാന്ത്യം
ആലുവ: പിന്നോട്ടെടുത്ത വാഹനം ശരീരത്തിലൂടെ കയറിയിറങ്ങി കാല്‍നട യാത്രക്കാരന് ദാരുണാന്ത്യം. ആലുവ പല്ലാരിമംഗലം സ്വദേശിയായ, എടയപ്പുറം മദ്രസയിലെ മുഹ്‌യുദ്ദീൻ മുസ്‌ലിയാരാണ് മരിച്ചത്. ശനിയാഴ്ച പുലര്‍ച്ചെ 4.30-ഓടെയായിരുന്നു അപകടം.
തൊട്ടടുത്തുള്ള പള്ളിയിലേക്കുള്ള വഴിയില്‍ റോഡ് മുറിച്ച് കടക്കാന്‍ ശ്രമിക്കവെയാണ് അപകടമുണ്ടായത്. കടകളിലേക്ക് പാലെത്തിക്കാന്‍ വന്ന വാഹനമിടിച്ചാണ് മരണം. പിന്നോട്ടെടുത്ത വാഹനം ഇടിച്ച് മുഹ്‌യുദ്ദീന്‍ നിലത്തുവീണു. തുടര്‍ന്ന് അദ്ദേഹത്തിന്റെ ശരീരത്തിലൂടെ വാഹനം കയറിയിറങ്ങി.
എന്താണ് സംഭിവിച്ചതെന്ന് ഡ്രൈവര്‍ക്ക് മനസിലാകാതെ ഡ്രൈവർ പുറത്തിറങ്ങി നോക്കുന്നത് വീഡിയോയിൽ കാണാം. മുഹ്‌യുദ്ദീന്റെ ശരീരത്തില്‍ കയറിയ വാഹനം മുന്നോട്ട് എടുക്കാന്‍ ശ്രമിച്ചപ്പോള്‍ നീങ്ങാതായതോടെയാണ് ഡ്രൈവര്‍ പുറത്തിറങ്ങി നോക്കുന്നത്. എന്നാല്‍, കാൽനട യാത്രക്കാരൻ വാഹനത്തിന് അടിയിൽ പെട്ടുപോയതിനാൽ അസ്വാഭാവികമായി ഒന്നും ഇയാളുടെ ശ്രദ്ധയില്‍പ്പെട്ടില്ല. തിരിച്ച് വാഹനത്തില്‍ കയറിയ ഡ്രൈവര്‍ ഒരിക്കല്‍കൂടെ മുന്നോട്ട് നീക്കാന്‍ ശ്രമിച്ചപ്പോഴും വാഹനം മുന്നോട്ടനീങ്ങാൻ പ്രയാസപ്പെട്ടു.
/>
No comments